Plantun de Prouvènço

Pèr coumpara dos planto d'encò nostre

Lycium barbarum & Cirsium vulgare subsp. crinitum

Arnavèu-blanc(-de-Barbarìo)

Lycium barbarum

Solanaceae

Autre noum : Bouissoun-blanc.

Nom en français : Lyciet commun.

Descripcioun :
L'óurigino éuroupenco d'aquest arnavèu-blanc èi discutido. Sèmblo pèr la maje part planta. Es un aubret que fai de flour vióuleto sus de ramo retoumbanto e espinouso. Lycium europaeum a de flour palinouso e d'espinasso alor que Lycium chinense fai de flour mai larjo e porto ges d'espino.

Usanço :
Emai li fueio e li fru sarien manjadis (F. Couplan, op.cit. p. ) cue, soun subretout li fru que soun utilisa en medecino tradiciounalo chinese emé lou noum de "goji". Soun proun anti-óussidant e manja pèr faire dura d'alòngui la vido (paradis terrestre di taouïste). Èi vertuous contre un fube de malautié : anti-cancerous, bon pèr lou cor, contro l'ipertesuro, l'iperglicemìo, lis artèri tapado...

Port : Aubret
Taio : 1 à 3 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Lycium
Famiho : Solanaceae

Ordre : Solanales

Coulour de la flour : Vióuleto
Petalo : 5
Ø (o loungour) flour : 1 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Abriéu à setèmbre

Liò : Sebisso - Bartas - Baragno
Estànci : Termoumediterran à Coulinen
Couroulougi : Óurigino Asìo-Èst
Ref. sc. : Lycium barbarum L., 1753

Bartalai

Cirsium vulgare subsp. crinitum

Asteraceae Compositae

Àutri noum : Bartarai, Guihèn.

Nom en français : Cirse à crinière.

Descripcioun :
Lou bartalai es un grand cardoun dóu gènre Cirsium. Li fueio soun proun espinouso e remounton sus li cambo alado. Aquelo subsp. presentado eici, crinitum, caup proun de péu en fiéu d'aragno dins soun "capitule". Li bratèio retoumbon devers lou bas e subretout flouris à la primo e noun pas l'estiéu coume la subsp. vulgare, mai coumuno. Coumpara emé la subsp. vulgare que ié sèmblo proun.

Usanço :
Soun li memo que la subsp. vulgare.

Port : Grando erbo
Taio : 50 à 150 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Cirsium
Famiho : Asteraceae
Famiho classico : Compositae
Tribu : Cardueae
Ordre : Asterales

Coulour de la flour : Roso
Petalo : >6
Ø (o loungour) enflourejado : 2 à 5 cm
Flourido : Printèms

Sòu : Ca
Autour basso e auto : 0 à 400 m
Aparado : Noun
Mai à jun

Liò : Ermas - Tepiero seco - Estang
Estànci : Termoumediterran
Couroulougi : Estenoumediterrano-Nord-Ouèst
Ref. sc. : Cirsium vulgare subsp. crinitum (Boiss. ex DC.) Arènes, 1848

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lycium barbarum & Cirsium vulgare subsp. crinitum

ges

Coumpara Arnavèu-blanc(-de-Barbarìo) emé uno autro planto

Coumpara Bartalai emé uno autro planto